දේශපාලනයේ අසීමාන්තික කඳවුරු වල මත ගැටෙන පලස වේදිකාව..!

කොළඹ විශ්වවිද්‍යාලය විසින් සංවිධානය කරන්නට යෙදුනු “පලස”, දේශපාලනයේ අසීමාන්තික කඳවුරු වල මත ගැටෙන පලස වේදිකාව මැයි 15 වෙනිදා කොළඹ දී ක්‍රියාත්මක විය.

ප්‍රමුඛ දේශපාලන ධාරාවන් සියල්ලටම මෙහිදී ආරාධනා කරනු ලැබූ අතර, දේශපාලන පක්ෂ කීපයක් මෙන්ම දේශපාලන සංවාද වලට සක්‍රියව දායකවන පිරිසක් ද පැමිණ සිටියහ.

එහිදී එක් පක්ෂයක නියෝජිතයකුට තම පක්ෂයේ සාර්ව ආර්ථික වැඩපිළිවෙළ විග්‍රහ කිරීම සඳහා විනාඩි 10ක කාලයක් ලබා දී තිබිණ. එමෙන්ම සෑම පක්ෂයකින්ම ප්‍රශ්න දෙක බැගින් ඇසීම සඳහා පැමිණ සිටි පිරිසට අවස්ථාව ලබා දී තිබූ අතර, මහාචාර්යවරු සිව් දෙනෙක්ගෙන් සැදුම්ලත් විද්වත් විශ්ලේෂකයන් සිව් දෙනෙක් ප්‍රශ්න යොමු කරන්නට යෙදුණි.

එක්සත් ජනරජ පෙරමුණ නියෝජනය කළ එහි ප්‍රධාන ලේකම් බන්දුල චන්ද්‍රසේකර මහතා තම පක්ෂයේ සාර්ව ආර්ථික වැඩපිළිවෙළ සහ විද්‍යානුකූලව සහ නිර්-දේශපාලනිකව නිර්මාණය කළ ජාතික භෞතික සැලැස්ම මත පාදක වූ ආකාරය පිළිබඳ අදහස් දැක්වීය.