Close
"අපි මේ සමරන්නේ ප්‍රභාකරන් හෝ වෙනයම් පුද්ගලයෙකු මියයාම නොවේ. ඔහුගේ මරණයත්, සංවිධානයේ මරණයත් සමග රටේ සමස්ත ජනතාවට ලැබුණු අපිරිමිත මිනිස් නිදහසයි..! "
18May’24
“අපි මේ සමරන්නේ ප්‍රභාකරන් හෝ වෙනයම් පුද්ගලයෙකු මියයාම නොවේ. ඔහුගේ මරණයත්, සංවිධානයේ මරණයත් සමග රටේ සමස්ත ජනතාවට ලැබුණු අපිරිමිත මිනිස් නිදහසයි..! “
තිස් වසරක යුද්ධය නිමා කරමින් ශ්‍රී ලංකාව නැවත ප්‍රජාතන්ත්‍රවාදී රාජ්‍යයක් බවට පත් කොට අදට වසර 15 ක්. ජීවිත පරිත්‍යාගයෙන්, දේශය වෙනුවෙන් සේවය කළ රණවිරුවන් සිහිපත් කරමින් රණවිරු ගුණ සමරු පදනම මගින් සංවිධානය කළ ‘රණවිරු සැමරුම’ බොරැල්ල පොදු සුසාන භුමියේ රණවිරු ස්මාරකය අභියසදී අද (18) පැවැත්විණ.
මෙම අවස්ථාව සඳහා එක්සත් ජනරජ පෙරමුණේ නායක, පාර්ලිමේන්තු මන්ත්‍රී පාඨලී චම්පික රණවක මහතා සහ රණවිරු ගුණ සමරු පදනමේ සභාපති, විශ්‍රාමික මේජර් ජෙනරාල් තිලක් උභයවර්ධන මහතා, යුධ හමුදා හිටපු මාධ්‍ය ප්‍රකාශක, විශ්‍රාමික මේජර් ජෙනරාල් සුමිත් අතපත්තු මහතා, විරු පවුර සංවිධනයේ සභාපති කපිතාන් ගයාන් විතානගේ මහතා ඇතුළු මෙම තිස්වසරක යුද්ධය නිමා කිරීම සඳහා අභීතව තම රණවිරුවන් මෙහෙයවූ රණවිරු නායකයන් බොහෝ දෙනෙක් මෙම අවස්ථාව සඳහා සම්බන්ධ විය.
