76 වෙනි නිදහස් දිනයේ ජනරජයක් වෙනුවෙන් වූ පියවරක් තබමු..!

බංකොලොත්බවට පත්වීමත් සමග ශ්‍රී ලංකාවට ආර්ථික ස්වෛරීභාවය අහිමිව ගොස් තිබේ. මේ නිදහස් දිනයේ දී අපි අධිෂ්ඨාන කරගත යුත්තේ, මේ අහිමි වූ ආර්ථික ස්වෛරීභාවය නැවත දිනාගැනීමටය . ප්‍රායෝගික ක්‍රියාමාර්ග ගණනාවක් හරහා ශ්‍රී ලංකාව බංකොලොත්බවින් සහ ණයගැතිභාවයෙන් ගලවා ගැනීමට ය.

මේ රට සමාජය ගිලී තිබෙන ආර්ථික, දේශපාලන සහ සමාජමය පිරිහීමෙන් මුදාගැනීමට ඉදිරි පියවරක් ගත යුතු ය. ආර්ථික ස්වෛරීභාවය දිනාගැනීම සඳහා විශේෂයෙන්ම ව්‍යාපාරික සහ කර්මාන්ත හිමියන්ගෙන් සුවිශාල ආර්ථික දේශප්‍රේමීත්වයක් අවශ්‍ය ය. ඒ සඳහා ප්‍රායෝගික, මහපොළොවේ ක්‍රියාත්මක වන, අහස් මාලිගා නොවෙන වැඩසටහනක්, වැඩපිළිවෙලක් රටට අවශ්‍ය ය. එම වැඩසටහන, වැඩපිළිවෙළ වෙනුවෙන් එක් ජනරජයක් වෙනුවෙන් එක් පියවරක් තබන්නට සමාන අදහස් දරන දේශමාමක සියළුදෙනාගෙන් මෙම ඓතිහාසික අවස්ථාවේ අපි ඉල්ලීමක් කරමු..!